निर्देशक सुदर्शन थापाले निर्देशन गर्न लागेको लभ स्टोरी चलचित्र ‘म यस्तो गीत गाउ“छु’को छायांकन माघबाट सुरु हुने भएको छ । माघ २१ गतेबाट चलचित्रको छायांकन गरिने निर्माणपक्षले जानकारी दिएको छ ।
लभस्टोरी जनराको यो चलचित्रमा नायक पल शाह र नायिका पूजा शर्माको जोडीलाई पहिलो पटक सुदर्शनले पर्दामा उतार्न लागेका छन् ।
चलचित्रको निर्माणपक्षले सम्पूर्ण यूनिट फाइनल गरिएको जानकारी दिएको छ । निर्देशक थापाले चलचित्रका मुख्य कलाकार र प्राविधिकलाई एकै ठाउ“मा राखेर चलचित्रको कथा र उनीहरुको भूमिकाको बारेमा जानकारी दिएका छन् ।
नायक पल शाहले कथावस्तु सुनेर आफू अत्यन्त उत्साहित भएको बताए । उनले भने–‘मैले कथा त पढिसकेको थिए“ । तर, निर्देशकको मुखबाट सुन्दा झनै सुन्दर लाग्यो । नायिका पूजा शर्माले पनि आफ्नो भूमिका च्यालेञ्जिङ भएपनि

आफू तयार रहेको सुनाइन् । उनले यसपटक, प्रेमको भूमिकामा अझै डुबेर दर्शकको मन जित्ने बताइन् । सुदर्शन थापा प्रोडक्शनको ब्यानरमा निर्माण हुन लागेको यो चलचित्रमा सुदर्शनकै लेखन तथा निर्देशन रहनेछ । सुदर्शन थापा नै निर्माता रहेको चलचित्रमा दिनेश न्यौपानेको पटकथा तथा संवाद रहने छ । चलचित्रमा संजय लामाको छायांकन, अर्जुन पोखरेलको संगीत, सुगम पोखरेल, अन्जु पन्त र अर्जुन पोखरलेको स्वर, कविराज गहतराजको कोरियोग्राफी रहनेछ ।
चलचित्रका मुख्य सहायक निर्देशक बसन्त अधिकारी हुन् भने सहायक निर्देशक दिनेश खड्का हुन् ।

विश्व गौतमको कस्ट्यूम डिजाइन रहने चलचित्रमा नविन पौडेल प्रोडक्शन डिजाइनर, नेपाल डायरिज प्राली ब्रान्ड म्यानेजरको रुपमा रहनेछन् । चलचित्रमा पूजा शर्मा, पल शाहको साथमा सरोज खनाल, रुपा राना, राजाराम पौडेल, प्रज्वल सुजल गिरी, नविन मानन्धर, करुन लामा, मोहन निरौला लगायतका कलाकारले अभिनय रहनेछ । चलचित्रको प्रदर्शन मिति आउ“दो बर्षलाई तोकिएको छ । निर्देशक थापाले चलचित्रको लागि आधा बर्ष लगाएर कथा बुनिएको बताउ“दै उत्कृष्ट लोकेशनमा मन छुने प्रेम कथा बनाउने बताए ।